Членови на Советот, заедно со активистки од општина Ново Село, присуствуваа на работилницата за развој на Предлог програма за еднакви можности на мажите и жените на општината за 2024 година.
Креирани се приоритетни области, цели и акциски план со активности и буџет за спроведување на програмата, како и индикатори за следење на реализацијата на истата.
Проектот „Унапредување на родовата рамноправност во општина Ново Село“ е имплементиран со поддршка на „СМАРТ Балкан - Граѓанско општество за поврзан Западен Балкан“ регионален проект имплементиран од Centar za promociju civilnog drustva (CPCD) од Босна и Херцеговина, Центар за истражување и креирање политики (ЦИКП) од С. Македонија и Институт за демократија и медијација (ИДМ) од Албанија, финансиски поддржан од Министерството за надворешни работи на Кралството Норвешка.